Ռասել Քրոուին առաջարկել են մարմնավորել գլխավոր դերը «Քինգ Քոնգի» մասին նոր ֆիլմում

 Legendary Pictures կինոստուդիան Ռասել Քրոուին առաջարկել  է մարմնավորել գլխավոր հերոսի կերպարը «Քինգ Քոնգ. Գանգի կղզին» բլոկբաստերում: Ինչպես տեղեկացնում է Lenta.ru-ն` The Wrap պարբերականին հղումով, դերասանը որոշում կկայացնի միայն սցենարի վերջնական տարբերակն ընթերցելուց հետո:

Կանացի գլխավոր դերի մարմնավորման համար կինոստուդիան բանակցություններ է վարում դերասանուհի Բրի Լարսոնի հետ, ով հայտնի է կատակերգություններից: Ֆիլմի ռեժիսորն է Ջորդան Ֆոգտ-Ռոբերտսը, իսկ ֆիլմի պրեմիերան նախատեսված է 2017-ի մարտի 10-ին:

«Գանգի կղզու» սյուժեն  գաղտնի չի պահվում, սակայն ներկա պահին սցենարիստներ Ջոն Գեյթինսը և Մաքս Բորենստինը պատրաստում են վերջնական սցենարի սևագիրը:

Փիթեր Ջեքսոնի «Քինգ Քոնգ» ֆիլմը  վարձույթում ավելի քան  550 մլն դոլար է հավաքել: