Անտոնիո Բանդերասը կնկարահանվի սերիալում

Իսպանացի դերասան Անտոնիո Բանդերասը «Կուբայական քառյակ» կարճ սերիալում կկատարի ֆիլմի գլխավոր դերը, նշում է ՏԱՍՍ գործակալությունը՝ հղում անելով տեղական ԶԼՄ-ներին։

Ֆիլմի հիմքում կլինի կուբացի հայտնի գրող Լեոնարդո Պադուրայի «Տարվա եղանակները» ստեղծագործությունը։  Դետեկտիվ պատմությունների կենտրոնում խուզարկու Մարիո Կոնդեն է, ով միշտ երազել է գրող դառնալ։

Բանդերասը կկատարի ոստիկանի դերը՝ զուգահեռ կստանձնի սերիալի գործադիր պրոդյուսերի պարտականությունները։ Սերիալը կցուցադրվի ամբողջ աշխարհում։