Մրայա Քերին իր աստղն ունի Հոլիվուդի փառքի ծառուղում (լուսանկարներ)

Ամերիկյան երգչուհի Մրայա Քերիից 8 տարի է պահանջվել ժամանակ գտնելու և իր պատվին Հոլիվուդի Փառքի ծառուղում տեղադրված աստղի հանդիսավոր բացմանը ներկա լինելու համար, գրում է ՏԱՍՍ գործակալությունը։

«Քերիին երաժշտության և ժամանցի ոլորտում հաջողությունների համար աստղ շնորհելու մասին որոշումը կայացվել էր դեռևս 2007-ին։ Սակայն նա շատ զբաղված էր, այդ թվում՝ Լաս Վեգասի հյուրանոցների և այլ հաստատությունների պաշտոնական բացումներին մասնակցությամբ»,- նշել է KTLA հեռուստաընկերությունը։

Երեկ երգչուհին վերջապես ժամանել է Հոլիվուդ։ Նրա պատվին աստղի համար պատվավոր տեղ է հատկացվել «Դոլբի» թատրոնի մոտակայքում, որտեղ ամեն տարի կայանում է «Օսկար» մրցանակաբաշխությունը։

«Ես շոյված եմ իմ ստեղծագործական ձեռքբերումների նման գնահատականի համար»,- ասել է Մրայան։

Աստղի բացման արարողության ժամանակ գլխավոր լուրը դարձել է «Կայսրություն» սերիալի հեղինակներից Լի Դենիելսի հայտարարությունն այն մասին, որ Մրայան կմասնակցի հերթական սեզոնի նկարահանումներին։

Լուսանկարները՝ The Daily Mail-ի