Շարլիզ Թերոնը նշում է ծննդյան 40-ամյակը (լուսանկարներ)

Մոդել և դերասանուհի Շարլիզ Թերոնն այսօր նշում է ծննդյան 40-ամյակը։ Թերոնը ծնվել է Հարավային Աֆրիկայում։ 16 տարեկանում, մոր խնդրանքով և պնդմամբ, նա մասնակցում է մոդելների մրցույթի և հաղթում։ Հետագայում Իտալիայում Շարլիզը մասնակցում է մոդելների միջազգային մրցույթի, որտեղ հաղթանակից հետո մեկամյա պայմանագիր է կնքում Միլանի մոդելային գործակալության հետ, գրում է РИА Новости-ն։

Այդ տարվա ընթացքում նա շրջում է ամբողջ Եվրոպայով, այնուհետև մեկնում Նյու Յորք, որտեղ էլ որոշում է հիմնավորվել վերջնականապես։

Թերոնը 2004-ին «Օսկար» մրցանակ է ստացել «Հրեշը» ֆիլմում կատարած դերի համար։ Այդ մրցանակի շնորհիվ դերասանուհին ընդգրկվել է Հոլիվուդի ամենաբարձր վարձատրվող աստղերի ցուցակում՝ ըստ The Hollywood Reporter ամսագրի։

2012-ին դերասանուհին հարավաֆրիկացի տղայի է որդեգրել, ում անվանել է Ջեքսոն։

2014-2015թթ. Թերոնը հանդիպում էր Շոն Փենի հետ։ Այս տարվա հունիսին զույգը որոշել է բաժանվել։

2015-ին դերասանուհին աղջիկ է որդեգրել Հարավաֆրիկյան Հանրապետությունից՝ անվանելով նրան Ավգուստ։

Նա նկարահանվել է «Քաղցր նոյեմբեր», «Հրեշը», «Սատանայի փաստաբանը», «Խելագար Մաքսը, ցասման ուղի» և այլ ֆիլմերում։