Եղանակն՝ այսօր
«Սպեղանի» երգչախումբը Ֆլորենցիայի փառատոնից վերադարձել է հաղթանակներով
ՀՀ մշակույթի նախարարության աջակցությամբ` «Սպեղանի» երգչախումբը (գեղարվեստական ղեկավար և դիրիժոր` Սարինե Ավթանդիլյան), ս. թ. հուլիսի 22-24-ը մասնակցել է Ֆլորենցիայում կայացած երգչախմբերի միջազգային մրցույթ-փառատոնին: Այս հեղինակավոր ստուգատեսին մասնակցել են 20 երգչախմբեր` աշխարհի տարբեր երկրներից, տեղեկացնում է նախարարության մամուլի ծառայությունը:
«Սպեղանի» երգչախումբը, հանդես գալով Կոմիտասի, միջնադարյան ու ժամանակակից հայ և իտալացի կոմպոզիտորների ստեղծագործությունների կատարումներով, նվաճել է Առաջին մրցանակներ` «Հնագույն երաժշտություն» և «Միասեռ երգչախումբ» անվանակարգերում: Երգչախումբն արժանացել է նաև Հատուկ մրցանակների` «Ռենեսանսի դարաշրջանի իտալացի կոմպոզիտորի ստեղծագործության լավագույն կատարման» և «Լավագույն բեմական հանդերձանքի» համար:
Փառատոնի շրջանակում իրականացված միջոցառումները կայացել են Ֆլորենցիայի հրաշագեղ տաճարներում:
Studio One