Ֆանի Արդանն ու Ժերար Դեպարդյոն միասին հանդես կգան Իրկուտսկում ընթացող փառատոնի շրջանակում

Ֆրանսիացի դերասաններ Ֆանի Արդանը և Ժերար Դեպարդյոն կմասնակցեն «Աստղերը Բայկալում» միջազգային երաժշտական փառատոնին, որը կանցկացվի Իրկուտսկում սեպտեմբերի 1-13-ը։

Նրանք կբերեն «Երկուսի երաժշտությունը» ներկայացումը, որը կցուցադրվի սեպտեմբերի 5-ին Իրկուտսկի երաժշտական թատրոնի բեմում, գրում է ՏԱՍՍ գործակալությունը։

«Ֆանի Արդանին հրավիրել է փառատոնի գեղարվեստական ղեկավար Դենիս Մացուևը։ Դերասանուհին, իր հերթին, առաջարկել է բեմականացում, որտեղ իր խաղընկերն է Ժերար Դեպարդյոն։ Անձամբ Ֆանին նաև ներկայացման ռեժիսորն է»,- պատմել է թատրոնի տնօրեն Տատյանա Մեզենցևան։

Ամբողջ երեկո դերասանները բեմում կլինեն երկուսով։ Դրաման ռուսերեն թարգմանելու համար Իրկուտսկ կժամանեն մի խումբ մասնագետներ։