Անտոնիո Բանդերասը քոլեջ է ընդունվել

Դերասան և ռեժիսոր Անտոնիո Բանդերասը  բրիտանական Сentral Saint Martins քոլեջի ուսանող է  դարձել: Այս մասին գրում է Lenta.ru-ն` մեջբերելով դերասանի՝  Instagram-ում հրապարակված հաղորդագրությունը:

Սոցցանցում հրապարակված լուսանկարում 55-ամյա Բանդերասը  պատկերված է մանեկենների ֆոնին  (քոլեջի կրթական ուղղվածությունը նորաձևությունն ու դիզայնն է):

«Սկսվում է Сentral Saint Martins-ի երկրորդ ուսումնական շաբաթը: Հագեցած է, հուզառատ, լուրջ ու ուրախ միաժամանակ»,-նկարի տակ գրառել է դերասանը:

Ինչպես նշում է աղբյուրը` Բանդերասը նախկինում արդեն ցանկություն հայտնել էր տվյալ ուսումնական հաստատությունում սովորելու համար:

Central Saint Martins քոլեջը Լոնդոնյան արվեստների համալսարանի (University of the Arts London) մի մասն է կազմում: