Սպունգ Բոբի մասին մուլտսերիալը կվերածվի մյուզիքլի

Բրոդվեյում կցուցադրեն «Սպունգ Բոբ» մուլտսերիալի մոտիվներով մյուզիքլ, հայտնում է Корреспондент-ը՝ հղում անելով The Hollywood Reporter-ին։

Պրեմիերան պետք է կայանա 2016թ. ամռանը։ Բեմականացման համար երաժշտությունը, հավանաբար, կգրեն Դևիդ Բոուին, Սթիվեն Թայլերը, Ջո Փերին, Ջոն Լեջենդը և Սինդի Լոպերը։

Երգերի ձայնագրության գործում կներառվեն նաև այնպիսի ամերիկյան խմբեր, ինչպես Dirty Projectors-ը Նյու Յորքից, The Flaming Lips-ն Օկլահոմայից, Lady Antebellum-ը Թենեսիից, Panic! At the Disco-ն Նևադայից։

Մյուզիքլի ռեժիսորը կլինի Թինա Լանդաուն։ Մոտ ժամանակում կսկսվի դերասանների ընտրությունը։ Այն կանցկացվի Nickelodeon հեռուստաընկերության մասնակցությամբ։