«Մոխրագույնի 50 երանգները» ֆիլմի շարունակությունը նոր ռեժիսոր կունենա

Վերջին մի քանի ամիսների ընթացքում ընթանում էին «Մոխրագույնի 50 երանգները» ֆիլմի շարունակության ռեժիսորի որոնումները, քանի որ Սեմ Թեյլոր Ջոնսոնը՝ առաջին մասի ռեժիսորը, հրաժարվել է աշխատանքից, գրում է filmpro.ru-ն։

Ռեժիսոր Ջեյմս Ֆոուլիի թեկնածությունն առաջացել է ոչ պատահական, քանի որ վերջին տարիներին նա հաջողությամբ աշխատել է, մասնավորապես, «Քարտե տնակ» և «Հանիբալ» ֆիլմերի վրա։ Universal կինոստուդիան արդեն պաշտոնական առաջարկ է արել ռեժիսորին։

Է.Լ. Ջեյմսի «50 երանգով ավելի մուգ» 2-րդ վեպի սցենարը գրել է հեղինակի ամուսինը՝ Նիալ Լեոնարդը։ Գլխավոր դերերը կրկին կկատարեն Ջեյմի Դորնանը և Դաքոտա Ջոնսոնը։

Նկարահանումները կսկսվեն 2016թ. առաջին կեսին, իսկ ֆիլմի պրեմիերան ԱՄՆ-ում նախատեսված է 2017թ. փետրվարի 14-ին։