«Շարժական արվեստ». հնդիկ նկարիչները ստեղծագործում են տաքսիներում (լուսանկարներ)

Հնդկական Մումբայ քաղաքում մեկնարկել է ուշագրավ արտ-նախագիծ, որի շրջանակում բոլոր սկսնակ նկարիչները բացառիկ հնարավորություն են ստանում ըստ ճաշակի նկարազարդել տաքսիների ներքին սրահը։

Ինչպես նշում է Oddity Central-ը, նախագծի շրջանակում արվեստի շարժական նմուշների է վերածվել արդեն 10 մեքենա: Նախագծի կազմակերպիչները մանրամասնել են, որ նկարիչների ստեղծագործական թեմաները պետք է վերաբերեն Մումբայի կյանքին և մշակույթին։

Մասնակիցները պատմել են, որ իրենց աշխատանքները շատ են դուր գալիս հատկապես երիտասարդներին, մինչդեռ տարեց սերունդն այնքան էլ չի ողջունում այս մոտեցումը։

Նախատեսված է, որ մինչև տարեվերջ կնկարազարդվի 25 մեքենա։