Ժերար Դեպարդյոն չի ցանկանում Բելառուսի քաղաքացիություն ստանալ

Լուսանկարը՝ regnum.ru-ի

Ֆրանսիացի դերասան Ժերար Դեպարդյոն չի պատրաստվում Բելառուսի քաղաքացիություն ստանալ, գրում է Газета-ն՝ դերասանի ներկայացուցիչ Առնո Ֆրիլեին հղումով։

Նրա խոսքով՝ դերասանը Բելառուսում է գտնվում բացառապես աշխատանքային հարցերով և շուտով կվերադառնա Ռուսաստան։

«Նա ունի ռուսական քաղաքացիություն, ֆրանսիական քաղաքացիություն, և ամեն ինչ այսպես էլ է լավ։ Բելառուսը այլ երկիր է, և նա այստեղ է աշխատանքի բերումով։ Այստեղ մենք շատ նախագծեր ունենք, այժմ նկարահանում ենք մեծ հեռուստասերիալ, այնուհետև ֆիլմ կնկարահանենք Ռուսաստանում»,- նշել է Ֆրիլեն։

Ավելի վաղ Դեպարդյոն Բելառուս տեղափոխվելու ցանկություն էր հայտնել և համեմատել այդ երկիրը Շվեյցարիայի հետ։