Բիլի Հոլիդեյը հոլոգրամի տեսքով բեմ կվերադառնա

20-րդ դարի լավագույն ջազ երգչուհիներից մեկը` անզուգական Բիլի Հոլիդեյը, նորարարական տեխնոլոգիաների շնորհիվ «2-րդ կյանք» կստանա ու բեմ կվերադառնա։

Ինչպես նշում է The Guardian-ը, այս աշնանը երգչուհին հսկայական հոլոգրաֆիկ պատկերի տեսքով կներկայանա Նյու Յորքի «Ապոլլո» թատրոնի բեմում: Ըստ կազմակերպիչների՝ նա մի քանի երգ կկատարի իր երգացանկից:

Բրիտանական պարբերականը հիշեցնում է, որ Հոլիդեյը կլինի ռեփեր Թուփաքից հետո 2-րդ հանգուցյալ երաժիշտը, ում հոլոգրաֆիկ պատկերը կհայտնվի բեմում։