Bon Jovi խմբին արգելել են մուտք գործել Չինաստան

Շանհայում և Պեկինում նախատեսված համերգներից մեկ շաբաթ առաջ Bon Jovi  խմբին արգելել են մուտք գործել Չինաստան:

Ինչպես հայտնում է Корреспондент-ը` վկայակոչելով ամերիկյան լրատվամիջոցները, համերգների չեղարկման պատճառ է հանդիսացել խմբի` 2010 թվականի շոուն Թայվանում: Այն ժամանակ երաժիշտները օգտագործել էին Դալայ Լամայի պատկերը, ով տիբեթյան  բուդդիստների` աքսորում գտնվող հոգևոր առաջնորդն է:

Bon Jovi ամերիկյան ռոք խմբի համերգները, որոնք այդպես էլ իրականություն չեն դառնա պետք է առաջինը լինեին Չինաստանի տարածքում:  Արգելքի մասին որոշում կայացրել է երկրի Մշակույթի նախարարությունը: