Բացառիկ լուսանկարները մասամբ բացահայտում են Էլիզաբեթ Թեյլորի տունը (լուսանկարներ)
20-րդ դարի գեղեցկագույն կանանցից մեկը` դերասանուհի Էլիզաբեթ Թեյլորը, համարվում է պատմության մեջ ամենաշատ լուսանկարված դեմքերից։ Թեյլորը միշտ էլ եղել է լուսանկարիչների սիրելին, և անգամ մահից հետո հետաքրքրությունը նրա անձի հանդեպ չի մարել։
Ամերիկացի լուսանկարչուհի Քեթրին Օփին, ում համար Լիզը միշտ կուռք է եղել, բացառիկ հնարավորություն է ստացել մուտք գործել դերասանուհու` Բել Էյրի առանձնատուն ու այնտեղ նկարահանումներ իրականացնել։
Ինչպես նշում է The Daily Mail-ը, Օփին լուսանկարել է Թեյլորի անգին մորթիները, ադամանդները, արվեստի արժեքավոր գործերը, բրենդային հագուստի ու պարագաների տպավորիչ հավաքածուները։
Հետաքրքրական է, որ այս առանձնատանը Թեյլորի մահից ի վեր գրեթե ոչինչ չի փոխվել։ Ըստ Օփիի՝ միգուցե դա է պատճառը, որ այն ամբողջությամբ պահպանել է երբեմնի գեղեցկուհու ներկայության հետաքրքիր զգացողությունը։ Աղբյուրը մանրամասնում է, որ նույնիսկ Թեյլորի մահից հետո առանձնատան աշխատողները հայելու վրայից չեն մաքրել նրա` կարմիր շրթներկով թողած գրառումը։

















