Ֆլորենցիայի Ուֆիցի պատկերասրահը փակվել է՝ շոգին օդորակիչների անսարքության պատճառով

Ֆլորենցիայում փակվել է Ուֆիցի պատկերասրահը՝ շոգին օդորակիչների փչանալու պատճառով: Այդ մասին հայտնում է Associated Press գործակալությունը:

Ֆլորենցիան համարվում է Իտալիայի ամենաշոգ քաղաքներից մեկը: Օդերևութաբանների կանխատեսմամբ՝ օգոստոսի 4-ին օդի ջերմաստիճանը կհասնի +40 աստիճանի:

Ինչպես հայտնել են թանգարանում, տեխնիկական աշխատողները փորձում են վերականգնել օդորակիչների աշխատանքը, չի բացառվում, որ պատկերասրահն աշխատանքը վերսկսի ուրբաթ:

Ջերմաստիճանային ռեժիմի ապահովման համակարգն անհրաժեշտ է Ուֆիցիին ոչ միայն այցելուների հարմարավետության, այլև արվեստի գլուխգործոցները պահպանելու համար: