Քրիս Փրաթը ութ տարվա ամուսնությունից հետո ամուսնալուծվել է

Ջեյմս Գանի «Գալակտիկայի պահապանները» ֆիլմի աստղ, ամերիկացի դերասան Քրիս Փրաթն ութ տարվա ամուսնությունից հետո բաժանվել է կնոջից՝ ամերիկացի դերասանուհի Աննա Ֆերիսից: Այս մասին հայտնում է CNN-ը: Դերասանները հաստատել են այս տեղեկությունը:

Փրաթի խոսքով՝ երկար ժամանակ իրենք փորձել են փրկել ամուսնությունը և շատ հիասթափված են, որ դա չի ստացվել իրենց մոտ:

«Մեր որդին երկու ծնող ունի, որոնք շատ են սիրում նրան: Հանուն մեր տղայի ցանկանում ենք հնարավորինս քիչ հրապարակայնություն»,-ասել է նա:

Դերասանը նաև նշել է, որ ինքը և Ֆերիսն առաջվա պես սիրում են իրար,  միշտ կգնահատեն միասին անցկացված ժամանակը և կշարունակեն հարգել իրար: