Ռուս լուսանկարիչը ճանապարհորդում է՝ տեսարժան վայրերի ֆոնին լուսանկարելով համապատասխան հագուստով գեղեցկուհիների (լուսանկարներ)

Ճանապարհորդ լուսանկարիչները սիրում են յուրովի մատուցել վայրերը, որտեղ այցելում են. հաճախ նրանք  հանրահայտ տեղանքներն այնպես են ներկայացնում, որ դժվար է լինում ճանաչել դրանք:

Դրանից բացի, յուրաքանչյուր լուսանկարիչ աշխատանքի ընթացքում օգտագործում է պատկերը հետաքրքիր դարձնելու իր միջոցները: Այսպես, ռուս լուսանկարիչ Կրիստինա Մակեևան ճանապարհորդում է աշխարհով մեկ և տարբեր երկրների տեսարժան վայրեր «համեմում» նրբաճաշակ զգեստներ կրող գեղեցկուհիներով:

«Զգեստ կրող աղջիկն այս աշխարհի գեղցկագույն երևույթներից է, իսկ հետաքրքիր բնապատկերի առջև զգեստով կանգնած աղջիկներով կարելի է անվերջ զմայլվել», - Bored Panda կայքին պատմել է լուսանկարիչը:

Մակեևայի խոսքով՝ իր համար քամուց ծածանվող զգեստով աղջիկներից սիրուն տեսարան չկա:

«Սա հրաշք է: Ահա թե ինչու ընկերներիս և օգնականներիս հետ ճանապարհորդությունների ժամանակ փորձում եմ մոդելների համար զգեստներ ընտրել՝ հարմարեցնելով դրանք տեսարժան վայրերին և բնապատկերներին, ու ստեղծագործել», - պարզաբանել է Մակեևան: