Հայտնի են դարձել ամերիկյան հեռուստասերիալների ամենաբարձր վարձատրվող դերասանները

Հոլիվուդյան դերասան Ռոբերտ Դե Նիրոն ճանաչվել է 2017 թվականին  ամերիկյան հեռուստատեսության ամենաբարձր վարձատրվող դերասանը:

Ինչպես հաղորդում է Lenta.ru-ն, դերասանը 775 000-ական դոլար է ստացել Amazon ստուդիայի՝ դեռևս անուն չունեցող սերիալի յուրաքանչյուր մասում նկարահանվելու համար:

Այս ցուցանիշով երկրորդ տեղում է հայտնվել Մարկ Հերմոնը, ով նկարահանվում է «Ծովային ոստիկանություն» սերիալում: Մեկ սերիայի համար նա 525 000 դոլար է ստացել:

 Երրորդ հորիզոնականը կիսել են «Գահերի խաղը» սերիալի դերասաններ Էմիլիա Կլարկը, Նիկոլայ Քոսթեր Վալդաուն, Փիթեր Դինքլեյջը, Քիթ Հարինգթոնը և Լինա Հիդին, ինչպես նաև Քևին Քոսթները («Յելոուսթոուն») և Քևին Սփեյսլին («Խաղաքարտերի տունը»):

 Հիշեցնենք, որ ավելի վաղ Forbes հանդեսը հրապարակել էր տարվա ամենաբարձր վարձատրվող դերասանների ցանկը: