Չինացի վարպետը հազարավոր ծալված խաղաքարտերից տարբեր մեծությունների չինական ծաղկամաններ է պատրաստում (լուսանկարներ)

Չինաստանի 65-ամյա բնակիչ Չժան Կեհուան թոշակի անցնելուց հետո զարգացրել է իր յուրօրինակ տաղանդը և սկսել է իրականին մոտ տեսք ունեցող չինական ծաղկամաններ պատրաստել հազարավոր ծալված խաղաքարտերից:

Ինչպես ներկայացնում է Oddity central-ը, թղթից և անգամ խաղաքարտերից մարդիկ տարբեր իրեր պատրաստել են, սակայն չինացի վարպետի աշխատանքը անհամեմատելի է՝ հաշվի առնելով ծաղկամանների մեծությունն ու տարած աշխատանքի բարդությունը:

Նրան հաջողվել է ստանալ ավանդական չինական ծաղկամանների ամբողջական տեսքն ու գունային համադրությունը:

Չինացին իր կյանքի մեծ մասն անցկացրել է հին շենքեր վերանորոգելով և իր կարիերայի ընթացքում բազմաթիվ հնաոճ իրեր և հատկապես ծաղկամաններ է տեսել:

106 սմ բարձրությամբ ծաղկամանը չինացին պատրաստում է 5000 խաղաքարտից մեկ շաբաթում:

Այժմ նա իր ստեղծագործությունները վաճառում է որպես զարդարանքներ համերգասրահների, հարսանյաց կամ այլ հանդիսությունների սրահների համար: