Վենետիկի 74-րդ կինոփառատոնի հաղթողներն ու փակման արարողությունը՝ ֆոտոշարքով

Վենետիկում ավարտվել է 74-րդ կինոփառատոնը. նախօրեին միջոցառման ժյուրին որոշել է կինոփառատոնի հաղթողներին:

Գլխավոր «Ոսկե առյուծ» մրցանակը ստացել է մեքսիկացի ռեժիսոր Գիլյերմո դել Տորոն՝ «Ջրի ձևը» (The Shape of Water) ֆիլմի համար:

Ինչպես նշում է Tatler-ը, «Արծաթե առյուծ» մրցանակը, ինչպես նաև լավագույն ռեժիսորի կոչումը ստացել է Քսավյե Լեգրանը «Խնամակալություն» (Jusqu'à la garde) ֆիլմի համար: Ի դեպ, ռեժիսորն այնքան է ուրախացել, որ հենց բեմում արտասվել է:

«Լավագույն սցենար» անվանակարգում հաղթել է Մարտին Մակդոնան՝ «Երեք գովազդային վահանակ Էբբինգի (Միսուրի) սահմաններից դուրս» (Three Billboards Outside Ebbing, Missouri) ֆիլմի համար:

Մինչդեռ «Հաննա» (Hannah) ֆիլմի գլխավոր դերակատար, 71-ամյա Շառլոթ Ռեմփլինգը ճանաչվել է լավագույն դերասանուհի:

Լավագույն դերասանի կոչմանն է արժանացել Քամել էլ Բաշան, որը խաղացել է լիբանանցի ռեժիսոր Զիադ Դուերիի «Վիրավորանք» (L'insulte) ֆիլմում:

Մարչելո Մաստրոյանիի անվան մրցանակը շնորհվել է Չառլի Փլամերին՝ որպես ամենահեռանկարային երիտասարդ դերասան:

Մինչդեռ ավստրիացի Ուորիք Թորնտոնը ստացել է ժյուրիի հատուկ մրցանակը:

Ինչ վերաբերում է ժյուրիի գլխավոր մրցանակին, ապա այն տրվել է հրեա ռեժիսոր Սամուել Մաոզի «Ֆոքսթրոտ» (Foxtrot) ֆիլմին:

Ստորև ուշագրավ ֆոտոշարքով ներկայացնում ենք միջոցառման փակման արարողությունը.