Ֆիլիպ Կիրկորովն իր երեխաների հետ ելույթ է ունեցել «Նոր ալիք»-ի բեմում (լուսանկարներ)

Սոչիում «Նոր ալիք» երգի միջազգային մրցույթի շրջանակում տեղի է ունեցել հայտնի երգիչ Ֆիլիպ Կիրկորովի ստեղծագործական երեկոն, որի ժամանակ հայտնի կատարողներ Սերգեյ Լազարևից, Զառայից, Տիմատիից, Իրինա Ալեգրովայից, Վերա Բրեժնևայից զատ՝ ելույթ են ունեցել նաև 50-ամյա Կիրկորովի երեխաները:

Ինչպես նշում է cosmo.ru-ն, 5-ամյա Ալլա Վիկտորիան և Մարտինը դարձել են երեկոյի գլխավոր աստղերը: Նրանք առաջին անգամ են մեծ բեմ բարձրացել՝ իրենց աստղային հայրիկի 1990-ականների հայտնի հիթը՝ «Зайка моя»-ն կատարելու:

Կիրկորովը երեխաների ելույթից առաջ հանդիսատեսին նախազգուշացրել է, որ փոքրիկները շատ են հուզվում, ու նրանց հարկավոր է ներկաների աջակցությունը: Աղբյուրը նկատում է, որ ընդհանուր առմամբ, համարը հաջողված է ստացվել:

Հիշեցնենք, որ Կիրկորովի երեխաները ծնվել են փոխնակ մայրերի միջոցով, որոնց ինքնության մասին տեղեկություն չկա: Աղջիկը ծնվել է 2011թ. նոյեմբերին, իսկ տղան՝ 2012թ. հունիսին: Ի դեպ, Կիրկորովի երկրպագուներից շատերը սխալմամբ կարծում են, որ երեխաները զույգ են: