Երկու Ջիվան Գասպարյանները հյուրընկալվել են «Երեկոյան Ուրգանտ» հաղորդմանը (տեսանյութ)

Համաշխարհային ճանաչում վայելող հայ դուդուկահար Ջիվան Գասպարյանն ու նրա թոռը՝ դուդուկահար Ջիվան Գասպարյան կրտսերը, հյուրընկալվել են ռուսական Առաջին ալիքով հեռարձակվող «Երեկոյան Ուրգանտ» հաղորդմանը:

«Աստղ և մեծություն: Նա տիտան է, ֆոլկ երաժշտության մեծություն: Նրա անունն առաջինն է մեր մտքին գալիս, երբ խոսում ենք դուդուկ երաժշտական գործիքի մասին»,- ասել է հեռուստահաղորդավար Իվան Ուրգանտը հայտնի հայ դուդուկահարին ներկայացնելիս:

Երաժիշտներն Առաջին ալիքի եթերում կատարել են «I will not be sad in this world» («Ես տխուր չեմ լինի այս աշխարհում») ստեղծագործությունը: