Ռենատա Լիտվինովան և Զեմֆիրան ամուսնացել են. լրատվամիջոցներ

Դերասանուհի, ռեժիսոր և սցենարիստ Ռենատա Լիտվինովան և ռուս ռոք երգչուհի Զեմֆիրան ամուսնացել են, հայտնում է ren.tv-ն։

Ամուսնության արարողությունը տեղի է ունեցել Շվեդիայում, որտեղ 2009 թվականին կառավարությունը միասեռ ամուսնությունները թույլատրող օրենք է ընդունել:

Լրատվամիջոցների տեղեկություններով՝ հարսանեկան արարողությունից հետո Լիտվինովան և Զեմֆիրան մեկնել են հարսանեկան ուղևորության: Նրանք նախ մեկնել են Ստոկհոլմ, այնուհետև՝ Տալլին:

Հաղորդվում է, որ Լիտվինովայի ներկայացուցիչը հրաժարվել է մեկնաբանել ամուսնության մասին տեղեկությունները: