Եղանակն՝ այսօր
Հայ ժողովրդի պատմության հետ չի կարող համեմատվել որևէ այլ ազգի պատմություն. Էդուարդ Լիմոնով
15:44 • 07.10.17
Ռուս գրող, հրապարակախոս, քաղաքական գործիչ Էդուրադ Լիմոնովը, խոսելով հայ ժողովրդի պատմության մասին, ասել է, որ «աշխարհի որևէ այլ ազգ չի կարող համեմատվել դրա հետ»:
«Հայոց Պատմության կողքին նույնիսկ մի տեսակ ամաչում ես կանգնել: 301թ.՝ դեռ Բյուզանդիայից առաջ, Հայաստանը դարձել է մոլորակի առաջին քրիստոնեական պետությունը»,- իր թվիթերյան օգտահաշվում գրել է Լիմոնովը:
Գրառումը գրավել է Լիմոնովի հետևորդների ուշադրությունը: Նրանցից մեկը նկատել է, որ աշխարհում առաջինը քրիստոնեությունն ընդունել է Օսրոենի թագավարությունը:
Դրան ի պատասխան Լիմոնովը գրել է.«Հայերը հիմա էլ են հայ, իսկ Միջագետքի օսրոենցիները վաղուց արդեն չկան»:
Հայտնի է, որ Լիմոնովն ընթացիկ տարվա ամռանն այցելել է Արցախ, ինչից հետո հայտնվել է ադրբեջանական «սև ցուցակում»:
Placeholder
Studio One