Սիլվեստր Ստալոնեն կնկարահանի «Կրիդ. Ռոքքիի ժառանգությունը» ֆիլմի շարունակությունը

Հոլիվուդյան մարտաֆիլմերի աստղ Սիլվեստր Ստալոնեն Instagram-ում հայտնել է, որ կնկարահանի լեգենդար «Ռոքքի» ֆիլմաշարի` 2015թ. նկարահանված «սփին-օֆ» տարբերակի շարունակությունը:

Ինչպես նշում է deadline.com-ը, նկարահանումները սկսվելու են 2018թ.: Ստալոնեն հանդես է գալու որպես ռեժիսոր ու պրոդյուսեր: Նա խոստովանել է, որ անհամբեր սպասում է նկարահանումների մեկնարկին:

Հայտնի է, որ 2 տարի առաջ նկարահանված «սփին-օֆում» («Կրիդ. Ռոքքիի ժառանգությունը») Ստալոնեն մարմնավորում էր երիտասարդ Ապոլլո Կրիդի մարզչին:

Այդ ֆիլմը համաշխարհային կինովարձույթում հավաքել է 173.6 մլն դոլար, մինչդեռ Ստալոնեն արժանացել է «Ոսկե գլոբուս» մրցանակի:

«Սփին-օֆ» հասկացությունը միավորում է գեղարվեստական ստեղծագործությունները, որոնց հիմնական գործող հերոսներ են դառնում այն կերպարները, որոնք որպես գործող անձ են անցնում կամ օրիգինալ ֆիլմում, կամ այլ թեմատիկ սյուժեով գրքում։