Կաննի կինոփառատոնը վերջ կտա տասնամյակների պատմություն ունեցող ավանդույթներին

Հեղինակավոր Կաննի կինոփառատոնի կազմակերպիչները մտադիր են մի շարք նորամուծություններ անել ու հաջորդ տարվանից վերջ տալ գլխավոր մրցանակը՝ «Արմավենու ոսկյա ճյուղը» կիրակի օրը հանձնելու՝ տասնամյակների պատմություն ունեցող ավանդույթին: Ըստ այդմ՝ գլխավոր մրցանակն այսուհետ կշնորհվի շաբաթ օրը:

Ինչպես նշում է Al Arabiya-ն, այս մասին հայտնել է կինոփառատոնի նախագահ Պիեռ Լոսկուռը:

«Կինոփառատոնի պատմության մեջ նոր փուլ է սկսվում»,-ասել է նա՝ հույս հայտնելով, որ փոփոխությունը թարմ շունչ կհաղորդի նշանակալի  մշակությաին միջոցառմանը:

Հայտնի է, որ Կաննի 71-րդ կինոփառատոնը մեկնարկելու է մայիսի 8-ին՝ երեքշաբթի, ինչը ևս նորարարություն է, քանի որ այն ավանդաբար մեկնարկում էր չորեքշաբթի: