Բեյոնսեն ու Ջեյ Զին չեն կարողացել լեփ-լեցուն դահլիճներ հավաքել ու համերգի տոմսերն անվճար են բաժանել

Արևմտյան շոու բիզնեսի ամենահայտնի զույգերից երգչուհի Բեյոնսեն ու ռեփեր Ջեյ Զին, որոնք այժմ շրջագայում են On The Run II համերգային ծրագրով, համերգներից մեկի ժամանակ դահլիճը լցնելու խնդիր են ունեցել:

Այս մասին գրում է Daily Mail-ը՝ մանրամասնելով, որ աստղային զույգը ստիպված է եղել բազմաթիվ տոմսեր անվճար բաժանել, որպեսզի դահլիճում տեղերը լցվեն:

Հայտնի է, որ դա տեղի է ունեցել Գլազգոյում կայացած համերգից առաջ: Երկրպագուների խոսքով՝ անվճար տոմսերը բաժանվել են ավտոկայանատեղիում:

Թվիթերյան օգտատերերից մեկն իր էջում հայտնել է, որ դալիճում բազմաթիվ դատարկ տեղեր կան, որոնք լցնելու համար Բեյոնսեի և Ջեյ Զիի համերգի տոմսերն անվճար բաժանվում են ավտոկայանատեղիներից մեկում:

Նշվում է, որ տոմսերի գինը տատանվել է 60-540 եվրոյի սահմաններում: