Բեյոնսեն և Ջեյ Զին անսպասելիորեն համատեղ ալբոմ են ներկայացրել

Արևմտյան շոու բիզնեսի ամենահայտնի ու ազդեցիկ զույգերից մեկը՝ երգչուհի Բեյոնսեն ու ռեփեր Ջեյ Զին, թողարկել են իրենց նոր համատեղ ալբոմը, որի շնորհանդեսը տեղի է ունեցել Tidal սթրիմինգային ծառայությունում:

Ինչպես հայտնում է The Guardian-ը, ալբոմը կոչվում է Everything is Love: Հետաքրքրական է, որ դրա  մասին նախապես խոսք անգամ չի եղել:

Հայտնի է, որ  ամուսիններն իրենց համատեղ աշխատանքի մասին հայտնել են London Stadium-ում ունեցած համերգի ժամանակ, երբ բեմին տեղադրված մեծ էկրաններին գրվել է «album out now» (ալբոմն արդեն պատրաստ է):

Հայտնի է, որ ալբոմում ներառված է 9 երգ: