Բեյոնսեն համերգի ժամանակ «անօգնական» վիճակում է հայտնվել (լուսանկարներ, տեսանյութ)
Ամերիկյան հայտնի երգչուհի Բեյոնսեն համաշխարհային համերգային շրջագայության շրջանակում ամուսնու՝ ռեփեր Ջեյ Զիի հետ ժամանել է Լեհաստանի մայրաքաղաք Վարշավա, որտեղ կայացել է նրանց համերգը, գրում է Daily Mail-ը՝ մանրամասնելով, որ համերգի ժամանակ արտառոց դեպք է տեղի ունեցել:
Նշվում է, որ համերգի վերջում տեսարժան բեմականացման ժամանակ տեխնիկական խոտան է տեղի ունեցել, ինչի հետևանքով Բեյոնսեն հայտնվել է անօգնական վիճակում:
Երեսունվեցամյա երգչուհին ստիպված է եղել բեմ իջնել աստիճանի միջոցով:
Դատելով հրապարակված կադրերից՝ սկզբում երգչուհին երկմտել է աստիճանով իջնելու հարցում, բայց հետո իջել է:
Երբ Բեյոնսեն ի վերջո բեմ է իջել ու քայլել է, երկրպագուները սկսել են բարձր բղավել նրա անունն ու ծափահարել են:

















