Բրեդ Փիթն ու Դի Կապրիոն՝ Տարանտինոյի նոր ֆիլմի նկարահանման հրապարակում (լուսանկարներ)

15:49 • 24.07.18

Բրիտանական Daily Mail պարբերականը հրապարակել է ուշագրավ ֆոտոշարք, որն արվել է հայտնի կինոռեժիսոր Քվենթին Տարանտինոյի նոր ֆիլմի նկարահանման հրապարակում:

«Մի անգամ Հոլիվուդում» ֆիլմի գլխավոր դերակատարներն են հոլիվուդյան գերաստղեր Լեոնարդո դի Կապրիոն ու Բրեդ Փիթը, որոնք կինոնկարի ժամանակագրությանը համապատասխանելու համար հագնվում են 1960-ական թվականների ոճով՝ ռետրո ակնոցներ, լայնեզր տաբատ, դենիմից հագուստ, կաշվե բաճկոն:

Քառասուներեքամյա Դի Կապրիոն մարմնավորում է Ռիք Դալթոնին, իսկ նրա 54-ամյա խաղընկերը՝ Քլիֆ Բութին:

Ֆիլմի գործողությունները տեղի են ունենում 1969թ. Լոս Անջելեսում կատարվող սարսափելի սպանությունների ֆոնին, երբ քաղաքն ահաբեկում էր Չարլզ Մենսոնի «Ընտանիք» աղանդը: Դրանում ներկայացնելու են 20-րդ դարի ամենահայտնի հանցագործներից մեկի՝ Չարլզ Մենսոնի հետևորդների իրականացրած սպանությունները:

Հայտնի է, որ ֆիլմում նկարահանվող աստղային կազմում ընդգրկվել են նաև Մարգո Ռոբբին, Քուրտ Ռասելը, Ալ Պաչինոն, Թիմ Ռոթը և ուրիշներ: Ֆիլմի պրեմիերան կկայանա 2019թ. օգոստոսի 9-ին՝ Մենսոնի հետևորդների կողմից սպանված դերասանուհի Շերոն Թեյթի մահվան 50-րդ տարելիցի օրը:

The acting heavyweights were looking sensational in their retro garb as they threw themselves into their roles on the streets of Los Angeles, where Brad Pitt joined Leonardo DiCaprio in taking a trip back in time on Monday, as they shot Quentin Tarantino's new period movie Once Upon A Time In Hollywood.