Եղանակն՝ այսօր
«Իմ ու փոքրիկներիս կյանքը վտանգված էր». Բեյոնսեն պատմել է ծանր հղիության և այդ ընթացքում 100 կգ քաշ ունենալու մասին (լուսանկարներ)
Արևմտյան շոու բիզնեսի ամենավառ աստղերից մեկը՝ երգչուհի Բեյոնսեն, Vogue ամսագրի սեպտեմբերյան համարում խոսել է խիստ անձնական թեմաների շուրջ՝ այդ թվում նաև երկվորյակներով հղիանալու, ծանր հղիություն տանելու, չնախատեսված կեսարյան հատման, մինչև 100 կգ քաշ հավաքելու, հետծննդաբերական մարմինը սիրելու և ընդունելու մասին:
36-ամյա երգչուհին պատմել է, որ 2017թ. երկվորյակներ Ռումիով ու Սըրով հղի լինելու վերջին ամսում ինքն անկողնում է անցկացրել, ինչից հետո աստղին չնախատեսված կեսարյան հատում են արել:
«Իմ ու փոքրիկներիս կյանքը վտանգված էր, ուստի՝ բժիշկները որոշեցին արտահերթ կարգով կեսարյան հատում անել»,- նշել է երգչուհին՝ մանրամասնելով, որ նորածինները մի քանի շաբաթ անցկացրել են ինտենսիվ թերապիայի բաժնում:
«Այդ ընթացքում մեծ էր ամուսնուս աջակցությունը: Նա իսկական մարտիկ էր ու ամեն ձևով աջակցում էր ինձ: Ես հպարտանում եմ նրանով»,- ասել է երգչուհին:
Այնուհետև նա խոսել է հետծննդաբերական մարմնի մասին՝ ընդգծելով, որ ի տարբերություն առաջնեկի՝ Բլյու Այվիի, երկվորյակների ծնվելուց հետո ինքը սկսել է սիրել թմբլիկացած մարմինը:
«Կինը պետք է սիրի ու ընդունի իրեն այնպիսին, ինչպիսին որ կա: Ես այդպես եմ վարվում: Նիհարելու գործընթացն էլ սկսել եմ շատ ուշ ու դանդաղ: Առայժմ ինձ դուր է գալիս թմբլիկ լինելը»,-խոստովանել է Բեյոնսեն՝ հավելելով, որ հղիության ժամանակ ինքը կշռում էր 100 կգ:
Studio One