Հոլիվուդի լեգենդը նշում է 75-ամյակը. Ռոբերտ դե Նիրոյի կյանքը՝ ֆոտոշարքով

Օսկարակիր դերասան Ռոբերտ դե Նիրոն այսօր՝ օգոստոսի 17-ին, նշում է ծննդյան տարեդարձը: Հոլիվուդյան աստղը դարձավ 75 տարեկան:

Համաշխարհային մեծության աստղի մուտքը կինոյի աշխարհ կայացել է 1963թ.` ռեժիսոր Բրայան դե Պալմայի «Հարսանեկան երեկույթ» ֆիլմով: Դե Նիրոն կատարել է փեսացուի ընկերոջ դերը:

Դերասանն առաջին լուրջ հաջողությունը գրանցել է 1973թ.`«Չար փողոցները» ֆիլմում Ջոնի Բոյի դերի շնորհիվ: Այս ֆիլմից հետո դերասանին նկատել է Ֆրենսիս Ֆորդ Կոպպոլան` հրավիրելով խաղալ երիտասարդ Վիտո Կոռլեոնեի դերը «Կնքահայրը» ֆիլմի երկրորդ մասում, որի համար Դե Նիրոն արժանացել է «Օսկար»-ի` որպես երկրորդ պլանի լավագույն դերասան:

Դե Նիրոյի մասնակցությամբ հայտնի ֆիլմերն են՝ «Տաքսիստը», «Լավ տղաները», «Կատաղած ցուլը», «Եղնիկների որսորդը», «Մի անգամ Ամերիկայում», «Ծանոթություն ծնողների հետ» և այլն:

Հոլիվուդի լեգենդը կինոոլորտում է արդեն կես դարից ավելի ու այդ ընթացքում արժանացել է 2 «Օսկար» մրցանակի: