Հայտնիները՝ Վենետիկի 75-րդ կինոփառատոնի կարմիր գորգին (ֆոտոշարք)

Ֆիամետա Չակոնա

Իտալական Լիդո կղզում բացվել է Վենետիկի 75-րդ կինոփառատոնը: Փառատոնը բացել է ամերիկացի ռեժիսոր Դեմյեն Շազելի «Մարդը Լուսնի վրա» ֆիլմը, որը պատմում է դեպի Լուսին առաջին ուղևորության և այն մասին, թե ինչ գնով է տիեզերագնաց Նիլ Արմսթրոնգը հասել դրան: Արմսթրոնգին մարմնավորել է Ռայան Գոսլինգը։

Ֆիլմի պրեմիերային մասնակցել են բազմաթվ հայտնիներ և անցել կարմիր գորգով, գրում է lenta.ru-ն՝ ներկայացնելով ուշագրավ ֆոտոշարք։ 

Կինոփառատոնի հիմնական մրցույթին մասնակցում է 21 ֆիլմ, իսկ միջազգային ժյուրին գլխավորում է մեքսիկացի կինոռեժիսոր և սցենարիստ Գիլյերմո Դել Տորոն: Բացի Դել Տորոյից՝ մրցույթի ժյուրիի կազմում են դերասանուհի Նաոմի Ուոթսը, դերասան և ռեժիսոր Կրիստոֆ Վալցը, ռեժիսոր, դերասան և սցենարիստ Տայկա Վայտիտին, ռեժիսոր և սցենարիստ Պաոլո Ջենովեզեն, ռեժիսոր, սցենարիստ և պրոդյուսեր Մալգոժատա Շումովսկայան և այլք:

Կինոփառատոնը կտևի մինչև սեպտեմբերի 8-ը:

Վենետիկի կինոփառատոնն աշխարհի ամենահին միջազգային կինոփառատոնն է, որն անցկացվում է ամեն տարվա օգոստոսի վերջին կամ սեպտեմբերի սկզբին՝ Լիդո կղզում: Առաջին անգամ այն անցկացվել է 1932 թվականի օգոստոսի 6-21-ը՝ որպես կինեմատոգրաֆիկ արվեստի ցուցահանդես (Esposizione d'Arte), որը եղել է Վենետիկի բիենալեի մի մասը:

Լոտի Մոս

Իզաբել Գուլար

Նաոմի Ուոթս

Բարբարա Փալվին

Քրիստոֆեր Վալց

Ջորջինա Ռոդրիգեզ

Սառա Սամպայո

Միկելե Ռիոնդինո և Եվա Նեստորի