Հալեպում դարձյալ հայ է զոհվել

08:51 • 27.05.14

Սիրիայի հայաշատ Հալեպ քաղաքի «Համիտիե» շրջանում արկի պայթյունի հետևանքով զոհվել է 1928թ.-ին ծնված Ավետիս Քեբաբճյանը։


Այդ մասին տեղեկացնում է Հալեպի «Գանձասար շաբաթաթերթի ֆեյսբուքյան էջը։

 

Հանգուցյալի հուղարկավորությունը տեղի է ունենալու այսօր՝ տեղական ժամանակով ժամը 11։00-ին՝ Հալեպի Սուրբ Աստվածածին եկեղեցուց։
 

Հիշեցնենք, որ օրեր առաջ Հալեպի հայաբնակ Նոր գյուղ թաղամասում դարձյալ պայթյուններ էին տեղի ունեցել, ինչի հետևանքով զոհվել էր 2, վիրավորվել՝ 4 հայ։

 

Պատերազմի ընթացքում Սիրիայում ըստ տարբեր աղբյուրների զոհվել է 130-160 հազար մարդ։ Անցնող երեք տարիների ընթացքում զոհված հայերի թիվն անցել է հարյուրը։