Հայտնաբերվել է Նիգերիայում առևանգված 200-ից ավելի աշակերտուհիների գտնվելու վայրը

09:57 • 27.05.14

Նիգերիայի պաշտպանության շտաբի ղեկավար Ալեքս Բադեհը հայտարարել է, որ հայտնաբերել են առևանգված 200 աշակերտուհիների գտնվելու վայրը։


«Լավ նորություն է այն, որ մենք գիտենք, թե որտեղ են նրանք, սակայն չենք կարող ասել»,- հայտարարել է նա։
Reuters-ի տվյալներով՝ դեռ աղջիկներին ազատ արձակելու համար ուժ չի գործադրվելու։

 

Մեծ Բրիտանիան մայիսի 17-ին առաջարկել էր օգնել երկրի իշխանություններին իսլամիստական «Բոկո Հարամ» խմբավորման դեմ պայքարում և Նիգերիա մասնագետներ ուղարկել։


Այս խմբավորման դեմ պայքարի ընթացքում տասնյակ հազարավոր մարդիկ են զոհվել։ 

 

Հիշեցնենք, որ ապրիլի 14-ին «Բոկո Հարամ» խմբավորումը հարձակում էր իրականացրել դպրոցներից մեկի վրա և առևանգել էր մոտ 276 աշակերտուհու։


Ոստիկանության տվյալներով՝ 53 դեռահաս կարողացել էր փախուստի դիմել, իսկ 223-ը դեռ բանդիտների ձեռքում են։