71-ամյա կորեացին փորձել է այրել գնացքի վագոնը. 370 մարդ տարհանվել է

14:52 • 28.05.14

Սեուլի 71-ամյա բնակիչը փորձել է հրդեհ առաջացնել քաղաքային մետրոյի վագոնում։ Միջադեպի հետևանքով տուժողներ չկան։

 

Ինչպես տեղեկացնում է ИТАР-ТАСС գործակալությունը, ոստիկանության տվյալներով՝ տղամարդը դյուրավառ հեղուկ է լցրել վագոններից մեկի նստարանի վրա և այրել այն պահին, երբ գնացքը մոտենալիս է եղել կայարանին։
 

Հրդեհը մարել են մետրոպոլիտենի աշխատակիցները։ Գնացքից 370 ուղևոր է տարհանվել։ Ծխի պատճառով մյուս գնացքներն այդ կայարանում կանգ չեն առել։

 

Սեուլի մետրոյում տեղի ունեցած միջադեպն արդեն երրորդն է վերջին ամսվա ընթացքում։