Ռուսաստանում Ուգո Չավեսի հիշատակին նամականիշ կթողարկվի

12:55 • 29.05.14

Ռուսաստանում նամականիշ կթողարկվի՝ ի հիշատակ Վենեսուելայի հանգուցյալ նախագահ Ուգո Չավեսի, հայտնում է Russia Today-ը՝ վկայակոչելով ՌԴ-ի արտգործնախարար Սերգեյ Լավրովի հայտարարությունը:

 

Լավրովն այս մասին հայտարարել է Վենեսուելայի իր գործընկեր Էլիաս Խաուայի հետ պաշտոնական հանդիպմանը, ով պաշտոնական այցով Մոսկվա է ժամանել:

 

Նախատեսվում է մի շարք համաձայնագրերի ստորագրում, մասնավորապես՝ էներգետիկայի, ֆինանսների, պաշտպանության ու անվտանգության ոլորտներում։ Ավելի վաղ Մոսկվան ասել էր, որ սատարում է Վենեսուելայի իշխանությունների՝ երկրի ներսում առճակատման աճը զսպելու ջանքերը։