Հնդկաստանում անչափահաս քույրերը ենթարկվել են խմբակային բռնաբարության և սպանվել

11:53 • 30.05.14

Հնդկաստանի հյուսիսի Ուտար Պրադեշ նահանգում՝ Կատրա գյուղում, 14 և 15-ամյա քույրերը ենթարկվել են խմբակային բռնաբարության, ապա նրանց սպանել են և կախել ծառից, հայտնում է The Guardian-ը:

 

Դեպքը տեղի է ունեցել այն ժամանակ, երբ քույրերը, զուգարան չունենալու պատճառով, գնացել են մոտակա դաշտերը՝ իրենց բնական կարիքները հոգալու:

 

Միջադեպի առնչությամբ 3 տղամարդ է ձերբակալվել, այդ թվում՝ երկու ոստիկան:

Այս միջադեպը նոր թափ է հաղորդել այդ երկրում սեռական բռնության դեմ հասարակական վրդովմունքին: Զոհերի համագյուղացիներն իրենց բողոքն են հայտնել լուռ ցույցով:

Ըստ աղբյուրի՝ Հնդկաստանում ամեն 22 րոպեն մեկ բռնաբարություն է տեղի ունենում: