Լուգանսկի մոտ զինյալները ոչնչացրել են ներքին զորքերի զինանոցը
Ուկրաինայի Լուգանսկի շրջանի Ալեքսանդրովսկ քաղաքում գրոհի ժամանակ աշխարհազորայիններն ամբողջությամբ ոչնչացրել են զինվորական զինապահեստը, հայտնում է «ՌԻԱ Նովոստի»-ն՝ Ուկրաինայի ազգային գվարդիայի կայքում տեղադրված հաղորդագրությանը հղումով։
Զինամթերքի պահեստը ենթարկվել է նռնականետի հարվածի։ Հզոր պայթյունից ու հրդեհից զենքն ու զինամթերքը ոչնչացել են, տուժածներ չկան:
Հինգշաբթի օրն աշխարհազորի զինյալները եկել էին զինվորական ստորաբաժանում և փորձել բանակցությունների մեջ մտնել զինվորականների հետ, սակայն փոխհրաձգություն էր սկսվել:
Զինվորական ստորաբաժանումն անցել է «Լուգանսկի Ժողովրդական Հանրապետության» վերահսկողության ներքո, հայտնում է աղբյուրը։
Կիևի իշխանությունները հատուկ գործողություն են իրականացնում երկրի հարավ-արևելքում։










