Դամասկոսում երկու հայ է վիրավորվել
Դամասկոսի արևելյան արվարձաններում բախումները շարունակվում են։
Իսկ կենտրոնում բնակելի խաղաղ թաղամասերում ամեն օր միջադեպեր են գրանցվում՝ հրասանդերի արկերի պայթյունների տեսքով, որոնց պատճառով վիրավորներ և նյութական վնասներ են գրանցվում, տեղեկացնում է լիբանանյան «Ազդակ» օրաթերթի Դամասկոսի թղթակիցը։
Այս ընթացքում հրասանդի արկի պայթյունի պատճառով վիրավորվել են դամասկահայ հայր և դուստր Ռուբեն և Մարո Դանիելյանները, որոնց վիճակն այժմ բժիշկները կայուն են գնահատում։










