Սաակաշվիլին ընդհատել է հանդիպումները Կիևում և մեկնել ԱՄՆ՝ վրացի կուրսանտի ավարտական երեկոյին մասնակցելու

13:05 • 02.06.14

Կիևում գտնվող Վրաստանի նախկին նախագահ Միխեիլ Սաակաշվիլին ընդհատել է հանդիպումն ու շտապ մեկնել է Կոլորադո, քանի որ նամակ է ստացել Կոլորադոյում ԱՄՆ-ի ռազմաօդային ուժերի ակադեմիայի կուրսանտի մորից, որը նրան խնդրել է մեկնել ԱՄՆ, տեղեկացնում է Грузия online-ը։

 

Միխեիլ Սաակաշվիլիի հանդիպման մասին սյուժեն ցուցադրվել է «Рустави 2» հեռուստաընկերության եթերում։

 

Երիտասարդ վրացի Մալխազ Գելդիաշվիլիի մայրը նամակ է գրել Սաակաշվիլիի ֆեյսբուքյան պաշտոնական էջին։

 

Կոլորադոյում Մալխազի ավարտական երեկույթն է եղել, սակայն մայրը գնել է տոմսերն ու չի կարողացել մեկնել։


«Ես հանկարծ որոշեցի, որ միակ մարդը, ով կարող է երկու-երեք օրով մեկնել այնտեղ, Միխեիլ Սաակաշվիլին է, և նրան նամակ գրեցի»,-պատմել է կուրսանտի մայրը։

 

Միխեիլ Սաակաշվիլին նույն էջից պատասխանել է կնոջը. «Այժմ ես Կիևում եմ, սակայն հետաձգել եմ հանդիպումներս ու թռչում եմ Կոլորադո՝ ձեր որդուն հանդիպելու»։

 

Կոլորադո է մեկնել նաև ԱՄՆ փոխնախագահ Ջո Բայդենը, անձամբ հանդիպել ու զրուցել է Միխեիլ Սաակաշվիլիի հետ և շնորհավորել վրացի կուրսանտին։