Դոնեցկում օդային տագնապ է հայտարարվել
Դոնեցկի ինքնահռչակ հանրապետության առաջնորդներից Վլադիմիր Մակովիչն ու Ռոման Լյագինը հայտարարել են, որ «հանրապետության տարածքում օդային տագնապ է հայտարարվել», տեղեկացնում է korrespondent.net-ը։
Միևնույն ժամանակ Դոնեցկի վարչակազմի շենքի մոտից շարունակում են հավաքել բարիկադները։
Հոկտեմբերյան հրապարակում աշխատում են մի քան բեռնատար մեքենաներ և ամբարձիչներ։
Բացի այդ, ակտիվիստները հենց շենքի մոտ կանգնեցնում են այլ «հանրապետականների» և զենքերով նրանց տանում են Հոկտեմբերյան հրապարակից։ Նրանց ձերբակալության պատճառների մասին «Դոնեցկի Հանրապետությունը» չի նշում, հայտնում է աղբյուրը։










