«Հրազդան» ՔԿՀ-ի աշխատակիցները դատապարտյալին բերված յոգուրտի մեջ դեղահաբեր են հայտնաբերել

15:01 • 03.06.14

ՀՀ ԱՆ «Հրազդան» քրեակատարողական հիմնարկի աշխատակիցները հունիսի 2-ին, ժամը 15:00-ի սահմաններում, իրացնելով օպերատիվ տվյալները, «Հրազդան» ՔԿՀ դատապարտյալ Ա.Դ.-ի անվամբ Երևան քաղաքի բնակիչ Ս.Ա.-ի կողմից բերված հանձնուքի զննությամբ յոգուրտ տեսակի սննդամթերքի տարայի միջից հայտնաբերել և առգրավել են պոլիէթիլենով փաթեթավորված երկու փաթեթ, որոնցից մեկում առկա է եղել ընդհանուր 0,136 գրամ քաշով դարչնագույն զանգված, իսկ երկրորդում՝ ընդհանուր 1,515 գրամ քաշով B-8 գործարանային գրառմամբ սպիտակ գույնի երեք ամբողջական դեղահաբ և երկու կտոր: Այս մասին հայտնում են ՀՀ ԱՆ ՔԿՎ հանրային կապերի բաժնից։

Հայտնաբերված զանգվածները փաթեթավորվել և ուղարկվել են փորձաքննության: Կատարվում է հետաքննություն: