Իսպանիայում հազարավոր մարդիկ բողոքում են միապետության դեմ (լուսանկարներ)
Իսպանիայի թագավոր Կառլոս 1-ի՝ գահից հրաժարվելուց հետո երկրում զանգվածային ցույցեր են անցկացվել միապետության դեմ, հայտնում է Deutsche Welle-ն։
Իսպանիայի ավելի քան 60 քաղաքներում բողոքի ակցիաներին մասնակցել են տասնյակ հազարավոր մարդիկ։ Ցուցարարները պահանջում են կառավարման հանրապետական ձև և հանրաքվեի անցկացում, որում կքննարկվի միապետական կարգի պահպանման հարցը։
Ըստ El Paris իսպանական պարբերականի՝ Մադրիդում հունիսի 2-ի երեկոյան միապետության դեմ բողոքի ցույցին մասնակցել է 20.000 մարդ։ «Այժմ ճիշտ ժամանակն է՝ Իսպանիան կրկին հանրապետություն հռչակելու համար։ Միապետությունն այսօր չափազանց հնացած է և, բացի այդ, չափազանց թանկ»,- ասել է ցուցարարներից մեկը։
Իսպանական միապետության դեմ ակցիա անցկացվել է նաև Գերմանիայի մայրաքաղաքում։ Բեռլինում Բրանդենբուրգյան դարպասների առաջ հավաքվել է մոտ 150 մարդ։




























