ԱՄՆ պետքարտուղարությունը հերքել է Էրդողանի՝ ամերիկյան լրատվամիջոցների հասցեին մեղադրանքը

10:55 • 04.06.14

ԱՄՆ պետքարտուղարությունը հերքել է Թուրքիայի վարչապետ Ռեջեփ Թայիփ Էրդողանի մեղադրանքը՝ ամերիկյան լրատվամիջոցների, մասնավորապես՝ CNN-ի կողմնապահության առնչությամբ, տեղեկացնում է թուրքական Haberturk կայքը։

 

Պետքարտուղարության ներկայացուցիչ Մարի Հարֆի խոսքով՝ CNN-ն անկախ լրատվամիջոց է։

 

«ԱՄՆ-ն աջակցում է Թուրքիայում խոսքի ազատությանը, ինչն ամերիկացի թղթակցին թույլ է տալիս լուսաբանել երկրի ներսում տեղի ունեցող իրադարձությունները»,-ասել է նա։

 

Ավելի վաղ հաղորդվել էր, որ շաբաթ օրը տեղի ունեցած ցույցերի ընթացքում՝ նվիրված Գեզի պուրակի դեպքերի տարելիցին, CNN-ի թղթակիցը ձերբակալվել է ուղիղ եթերի ժամանակ և մեղադրվել «լրտեսության» համար։