Հոնկոնգում կազմակերպել է Տյանանմեն հրապարակի ցույցերի հիշատակությանը նվիրված խոշորագույն մոմավառությունը (լուսանկարներ)
Ավելի քան 180 000 մարդ է հավաքվել Հոնկոնգի Հաղթանակի այգում այս գիշեր՝ արթուն մոմավառություն իրականացնելով՝ հիշելու 1989-ին Պեկինի Տյանանմեն հրապարակում ցուցարարների ճնշման 25-ամյա տարելիցը, երբ շուրջ 2600 խաղաղ ցուցարար է զոհվել:
Ինչպես հայտնում է Business Insider-ը՝ մոմավառությունը, որը «հունիսի 3-ի իրադարձություններից» հետո կազմակերպվում է ամեն տարի, այս տարի ամենամեծն է, որը երբևէ եղել է: Դրան նպաստել է պարզ եղանակն ու Հոնկոնգի երիտասարդության շրջանում աճող հետաքրքրությունը:
Հաղթանակի այգում տեղակայված 6 ֆուտբոլի դաշտը լի է արթուն հերթապահներով: Հոնկոնգի և մայրցամաքի միջև ազատ վիզայի շնորհիվ բազմաթիվ չինացիներ կարողացել են մասնակցել այս արարողությանը:
Հիշեցնենք, որ ավելի վաղ հաղորդվում էր, որ Չինաստանն արգելել է որևէ միջոցառում իրականացնել՝ նվիրված Տյանանմենի ճնշմանը:
Տյանանմեն հրապարակի ցուցարարների ճնշումը տեղի է ունեցել 1989-ի հունիսի 3-ին, երբ չինացի զինվորները կրակ են բացել խաղաղ ցուցարարների ուղղությամբ՝ պահանջելով կառավարությունից՝ քաղաքական բարեփոխումներ իրականացնել, մեծացնել ազատությունն ու նվազեցնել դրամաշորթության մակարդակը:
Հոնկոնգը միակ չինական քաղաքն է, որը միջոցառումներ է կազմակերպում՝ հիշատակելու 1989-ի դեպքերը, քանի որ այն կիսաինքնավար մարզի կարգավիճակ ունի:















