Օբաման անձամբ հանդիպել է Ուկրաինայի նոր նախագահին

08:48 • 04.06.14

ԱՄՆ-ի նախագահ Բարաք Օբաման առաջին անգամ հանդիպել է Ուկրաինայի նորընտիր նախագահ Պյոտր Պորոշենկոյին: Դա տեղի է ունեցել Վարշավայում, հայտնում է «Էն Տե Վե»-ն:


Հանդիպման մասին հայտնի է դարձել ամերիկացի լրագրողի բլոգային գրառումից, ով ներկա է եղել հանդիպմանը: 

Լրագրողի հրապարակած լուսանկարում երևում է, որ հանդիպմանը նախօրեին Լեհաստան մեկնած Պորոշենկոն նստած է Օբամայից ձախ: Նշվում է, որ խոսքը ոչ պաշտոնական հանդիպման մասին է:

Պաշտոնական զրույց նախատեսվում է այսօր օրվա երկրորդ կեսին: