Շուրջերկրյա ճամփորդության նպատակով կառուցված շքեղ զբոսանավը խորտակվել է այն ջուրն իջեցնելուց անմիջապես հետո(նկարներ, տեսանյութ)
Ամերիկյան Անակորտես առափնյա քաղաքի մոտ անսպասելիորեն խորտակվել է 10 մլն դոլար արժողությամբ «Բադեն» շքեղ զբոսանավը, ինչը ֆիքսել են տեսախցիները։

Ինչպես նշում է The Daily Mail-ը, «Բադենի» տերը, ըստ ավանդույթի, հանդիսավոր կերպով շամպայնի շիշը հարվածել է զբոսանավին, ինչից րոպեներ անց նավը թեքվել է մի կողմի վրա ու սկսել սուզվել։

Ականատեսների խոսքերով՝ 27.5 մ երկարությամբ նավում եղել է 6 մարդ, ովքեր ափին գտնվողների օգնությամբ ցամաք են դուրս բերվել։ Նրանք նաև նշել են, որ դեպքի ժամանակ լավ եղանակ է եղել, ուստի նավաբեկության պատճառը տեխնիկական խոտանն է։

Հայտնի է, որ զբոսանավը կառուցվել էր հատուկ պատվերով. դրա տերը մտադրություն ուներ «Բադենով» ճամփորդել աշխարհի շուրջ։












