Երևան-Հռոմ չվերթը տեխնիկական պատճառներով ավելի քան 9 ժամ ուշացումով կիրականացվի

13:11 • 04.06.14

«Ալիտալիա» ավիաընկերությանը կողմից իրականացվելիք Երևան-Հռոմ չվերթն այսօր հետաձգվել է՝ տեխնիկական խնդիրների պատճառով։


Թռիչքը նախատեսված է եղել այսօր առավոտյան 05։20-ին, սակայն ավիաընկերությունից Tert.am-ին տեղեկացրին, որ այն կկայանա ժամը 15։50-ին։


Թե ինչ տեխնիկական խնդիրներ են առաջացել, պարզել չհաջողվեց։


Հավելյալ տեղեկությունների և հետաձգման պատճառների մասին մանրամասներ իմանալու համար ավիաընկերության ներկայացուցիչը խորհուրդ տվեց դիմել «Զվարթնոց» օդանավակայան, սակայն օդանավակայանից տեղեկացրին, որ խնդիրն իրենց հետ չէ և հարցին կարող է պատասխանել միայն ավիաընկերությունը։


Մեր տեղեկություններով թռիչքը հետաձգվել է ինքնաթիռի անսարքության պատճառով։