Ամերիկացին կոմիքսների բացառիկ ժողովածուն վաճառել է 1,5 մլն դոլարով
Ամերիկացին սուպերհերոսների մասին կոմիքսների բացառիկ ժողովածուն վաճառել է 1,5 մլն ԱՄՆ դոլարով, հայտնում է Associated Press-ը:
Ժողովածուն տպագրվել է անցած դարի կեսին:
Ջոն Ուայզ անունով ամերիկացին իր հավաքածուն ստեղծել է ավելի քան 30 տարիների ընթացքում: Վաճառքն իրականացել է Comicconnect.com ինտերնետ-աճուրդում:
Վաճառված ժողովածուում են Ֆլեշ սուպերհերոսի արկածների մասին կոմիքսների հրատարակությունը՝ 1940թ. (182 հազար դոլար), ինչպես նաև Սուպերմենի և Բեթմենի մասին առաջին հրատարակությունները՝ նույն շրջանից՝ համապատասխանաբար 172 հազար և 137 հազար դոլարով:
Ստացված գումարով Ուայզը նախատեսում է վճարել իր թոռների համալսարանական կրթության համար:










